Okuma Parçası
Metnin okunmuş şeklinde transkripsiyon alfabesinin uygulanışına dikkat ediniz.
Okuma Parçasının Transkripsiyonu
Lağamcıların Niẓāmı
Lağamcı ocağına āyīn-i tertībinde sā’irden ziyāde i‘tinā olunarak ma‘lūldār tīmārlar tevcīh olunmuş ve içlerinden biri fevt oldığı iālde ma‘lūl olan tīmārı ecnebīye virilmeyüp fenn-i lağam tahsīline rāhiş-ker olan mübtedīlere virilmek ulu̇lden ittihāz kılınmış iken bir müddetden-beru bu ḳā‘ideye ri‘āyet olunmamağla üstād lağamcılar bulunmaz oldığından sā’ir ocakların niẓāmlarına ibtidār olundığı misillü anların dahi te’kīd-i niẓāmātına mübāderet ve tahsīl-i ma‘lūmāt itmelerine pek ziyāde himmet olunarak bu esnāda tecrübeleri ma‘lu̇b olmaktan nāşī Sa‘dābād ḳasr-ı hümāyūnı pīşgāhında olan cebeliñ zirvesinde vāḳı‘ bir maḥall-i sengistānda lağam ḥāżır ittirilüp ve derūnuna sekiz kantar barut vaż‘ ile bālāsına ahşābdan bir ḳal‘a şekli binā olunup şa‘bān-ı şerīfiñ yirmiyedinci güni Abdülhamīd hān hażretleri Sa‘dābād’a teşrīflerinde ibtidā top ve humbaralar endāht olundukdan soñra mezkūr lağama āteş virilerek lağamcılar dahi san‘atlarını icrā itmekle der-‘aḳab topcı-başıya ve sür‘atciler nāẓırına ve ağasına ve çavuşuna ve humbaracı-başıya ve lağamcı-başıya hużūr-ı hümāyūnda hil‘atler ve lağam atanlara ‘atāyyeler ihsān buyurulmuşdur.
İşte o zamān vükelā-yı Devlet-i aliyye’niñ askerlikce yapabildikleri ıslāḥāt bundan ibāret olup bu ise ol-vaḥte göre kāfī değil idi. Zīrā Avrupada fünūn-i harbiyye pek ziyāde ilerülemiş oldığından düvel-i Avrupada oldığı gibi asākir-i mu‘alleme tedārük itmek ve fünūn-ı harbiyyeyi ilerületmek ferā’iż-i ‘āliyyeden idi.
Cevdet, Tarih, c. III, İstanbul 1309.